Aro Berria Kazeta proiektuaren helburua egunkari digital bat egitea da. Halere, egunkari honen albisteak ez dira gaur eguneko kontuak: XV. eta XVIII. mendeen bitartean, hau da, Aro Berrian, Euskal Herrian izandako gertakizunei buruzko berriez osatu behar da.
Hamaika Haizetara proiektuan honako ataza proposatzen da: kanpoko pertsona bati ikasleen herria edo hiria erakusteko, toki horren historiari buruzko informazio ematea (nola eta noiz sortu zen, nola bilakatu zen urte edo mendeetan zehar...). Horretarako, denbora-lerro bat osatuko da.
XXI. Mendearen Erronkak unitatea hiru lan-sekuentziatan antolatuta dago. Modu independentean lantzeko aukera ematen dute, bakoitzak zentzu propioa baitu.
- Lehen sekuentzia ("XXI. mendearen argi-ilunak") mende honetako erronka handietarako hasierako hurbilketa da. Sekuentziaren amaierako emaitza gisa, zuzendariarentzako gutuna idatzi behar dute ikasleek, gizarte-desoreken gaiari buruzko euren iritziak garatuta.
- Bigaren sekuentziak (“Errealitatea ikertzen”) arestian ikusitako zenbait erronkaren analisia eta azterketa sakontzea du helburu. Kasu horretan, idatzizko ikerketa-lana egin behar da, eta ahoz azaldu beharko da ikaskideen aurrean.
- Hirugarren sekuentziak (“Eta orain, antzerkia") antzerki-generoa lantzen du. Aurreko sekuentzietan landuriko gaietan oinarrituta, antzerki-obra txiki bat egitea eskatzen zaie ikasleei, eta Ikastetxean antzeztea.
Giza Migrazioak sekuentzia didaktikoan migrazio-mugimenduak aztertzen dira. Fokea zenbait partsonaren istorioetan jartzen bada ere, geografia eta historiarekin erraz lotu daiteke.
Joan-Etorriko Bidaiak proposamen didaktikoan Europatik Amerikara eta Amerikatik Europara populazio mugimendua landuko da. Hiru momentu historiko aukeratu dira:
- Kristobal Kolonen garaia
- Espainiako guda zibiletik eta frankismotik Amerikara ihes egin zutenen migrazioa
- Gaur egungo latinoamerikarren inmigrazioa Espainiara.
Migrazioaren gaiarekin lotutako beste unitate bat gaztelaniaz:
Los movimientos de población
